Pri "Masago-Kamforarbostrato"
KH
La apartamentaro, kie mi nun loĝas, frontas al la ĉefa ŝoseo nomata "Masago-Kamforarbo-strato," kiu situas en Marborda Novurbo, kiu estis konstruita sur la ŝtopkreita areo antaŭ ĉirkaŭ 50 jaroj.
Polderiga entrepreno de la golfo de Tokio komenciĝis en la erao Edo, kaj nun, seninterrompe daŭras la ŝtopkreita areo ekde Jokosuka, Jokohamo, Kaŭasaki,
Tokio, Urajasu, Iĉikaŭa, Funabaŝi, Naraŝino, Ĉiba, Sodegaura ĝis Kisaradu kaj nun oni povas diri neniom da natura marbordo restas. Plejmulte polderita tereno estas utiligata kiel industria kvartalo aŭ havena instalaĵo kaj iom estas uzata por amuzparko aŭ parko. Sed parto de tiu tereno en la gubernio Ĉiba, estas nekutime uzata por loĝantoj. La tuta urbo Mihama de la granda urbo Ĉiba situas sur tia polderita tereno, inter alie, tri kvartaloj, Makuhari, Kemigaŭa kaj Inagekaigan estas planita kaj desegnata sur tute blanka mapo, kiel idealaj loĝkvartaloj de tiama Oficejo pri Entreprenoj de la gubernio kaj fariĝis loĝkvartaloj, kiuj havas 180 mil loĝantojn. Laŭ ĉi tiu urbokonstrua plano, zonoj de loĝantoj, komercado, lernejo, medicino kaj verdaĵo estas organizita bonfunkcie. En la subkvartaloj Isobe kaj Masago, estis realigata zona sistemo de hejtado, kiu estis malofta en Japanujo. Kaj elektraj dratoj estis planitaj meti subtere, ĉar enaere ili damaĝas urban aspekton. Tiu plano ne estis plenumita sed tio estas restanta signo de la plano, ke neniu elektra fosto staras laŭ la maldekstra flanko de "Masago-Kamforarbo-strato ."
Ĉi tiu "Masago-Kamforarbo-strato" komenĉiĝas de unu fino de la ponto, kiu transiras Nacian Ŝoseon la 14-an kaj Orientan Kanto-rapidvojon duope. Mi antaŭe pensis, ke la strato finiĝas ĉe la fino, kie kamforarboj estas plantitaj sur ambaŭflanke de la strato kaj sur ĝia meza strio, sed mi sciis, ke ĝi etendiĝas ĝis la stratofino, kie estas Isobe 5-ĉjome, kiel rezulto de esploro en la Regiono Promocia Divido de la oficejo de la urbo Mihama. La vojo longas 1300 metrojn entute.
Malgraŭ, ke ĝi nomiĝas Kamforarbo-strato, la arboj plantitaj estas ne "kamforarboj" sed "sebiferoj," en la parto de la strato inter la vojkruciĝo ĉe nordflanko de la stacidomo Kemigaŭahama kaj la stratofino ĉe Isobe 5-ĉjome. Kontraste al ĉiamverda "kamforarbo," "sebiferoj" ĝuigas nin per ŝanĝiĝo de koloro de freŝverdo ĝis aŭtunruĝo laŭ kvar sezonoj alternas sinsekve.
Ĉu "kamforarbo" estis plantita laŭ la nomo de ĉi tiu strato aŭ ĉu la strato nomiĝis laŭ la plantita "kamforarbo"? Mi ne certas kiu estas la unua sed supozeble la antaŭa.
25 jarojn antaŭe, kiam ni, loĝantoj de mia apartamentaro, fondis societon por eksjunuloj kaj ni nomis ĝin "Kusunoki-societo." Tiam unu el ni raportis, ke la nombro de "kamforarboj" de la strato estas 166. Nun ĝi malmultiĝis je 10. Supozeble, kelkaj estis velkintaj aŭ kelkaj estis nuligitaj por vastigi vidkampon ĉe vojkruciĝo aŭ fari la elirejon de fajrobrigada aŭto.
Kion signifas, ke oni nomis stratojn? Mi opinias, ke ĉi tiu nova urbo estis konstruita sub la plano "unue fari vojojn."
Kiam mi aktive servis, mi loĝis pli ol 7 jarojn en urbo Riodeĵanejro, sendite kiel funkciulo al Ishikawajima do Brasil Estaleiros S/A (ISHIBRAS), kiu estis fondita kiel komuna entrepreno de Brazila registaro kaj akcia kompanio Ishikawajima-pezindustrio. Kaj pro ŝipmenda traktado, mi ofte vizitis eŭropajn urbojn kiel Atenon, Londonon, Oslon ktp., kie la kompanio havis oficejojn por eksterlandaj ŝipposedantoj.
Tiam mi sciis, ke stratoj en Eŭropo nepre havas nomojn. Eĉ eta sakstrato havas nomon. Kiam oni intencas viziti iun, oni certe povas atingi la ĝustan lokon serĉante la nomon de la strato en mapo. En la urbo Riodeĵanejro, la maldekstra flanko de la vojo havas ne paran nombron de adreso kaj la dekstra paran. Kaj nombro multiĝas des pli fore de centro de la urbo. Tial se la adreso de la vizitonta domo havas paran nombron, oni iru dekstra flanko de la strato. Onidire, adreso unu montras 1 metron, do celloko de adreso 50 situas ĉe 50 metrojn distanca de la enirejo de la strato laŭ dekstra flanko. Estis ege racie.
Kompare kun tio, kiel la nomo "Masago-Kamforarbo-strato" estas neinformiga! Ĝi nur havas nomon de la strato sed neniu plu montras. La adreso de mia loĝejo, 3 ĉjome 17 de Masago, estas tiel senindika kaj eksterlogika. Mia loĝloko bedaŭrinde ne havas ian rilaton kun la stratonomo. Ni bezonas detalan kvartalan mapon por atingi cellokon aparte per la adreso.
Mi prenis tramon de la stacio Ŝinkemigaĝa sur la fervojlinio Sobu por iri al Tokio, unuan 10 jarojn ekloĝinte en ĉi tiu urbo. Mi reale sentis evoluon de ĉi tiu strato, rigardante "Masago-Kamforarbo-strato" matene kaj vespere el aŭtobuso al kaj de la stacio Ŝinkemigaŭa. Kiam la fervojlinio Keijo malfermis en la 3-a de marto, 1988, la rigardo al Tokio tute ŝanĝiĝis, ĉar mi direktis al la stacio Kemigaŭahama, kiu situas en la kontraŭa direkto ol antaŭe. Mi pensas, ke "Masago-Kamforarbo-strato," kiun mi rigardis ĉiumatene, estis malaperanta el mia vidkampo. Mia ĉiutaga vivo ne ŝanĝiĝis sed mi rimarkis skribante ĉi tiun eseon, ke mia rememoro pri evoluo de "Masago-Kamforarbo-strato" maldensiĝis.
Nun mi zorgas pri "kamforarboj" sur la strato, kiuj jam staras tie dum duonjarcento. "Kamforarboj" plantitaj en tri vicoj, estas disduiĝantaj, ke unuj estas "fariĝontaj imponaj grandaj arboj" kaj la aliaj estas "ne altiĝantaj nek havantaj riĉaj branĉoj."
Supozeble, influas la forteco de vento, kiu trablovas inter konstruaĵoj de loĝantaroj. Aŭ kaŭze de origine ne fekunda tero de ŝtopkreita areo. "Kamforarboj" vivas plenpene ĉe ĉiu sia loko tamen ...
Mi deziras, ke ĉiuj kresku imponaj arboj, kiuj kongruas al la nomo de "Masago-Kamforarbo-strato," kvankam mi bedaŭras pro tio, ke mi ne povas spekti ĉiun el ili 
plenkreskinta grande nek iliaj vicoj, ĉar mia vivo restas jam malmulte.
La konstruaĵo de eks-"Oficejo pri Entreprenoj de la gubernio Ĉiba," kiu estis la ĉefrolulo de konstruado de ĉi tiu urbo, estas forlasita en krudaj herbaroj, ĉeflanke de la startpunkto de "Masago-Kamforarbo-strato ."
(la 15-a de novembro, 2022)
Aldonaj rimarkoj
Multaj el ĉefaj stratoj en la kvartalo Mihama havas nomojn. Mi pensas, ke tia kvartalo estas ne kutimaj en Japanujo. Mi vivigas ekzemplojn jene:
・la kvartalo Makuhari-messe
La centrstratoj: Parko-ĉefstrato, Parko-mezstrato, Alttekniko-strato, Hanami-riverstrato, Messe-ĉefstrato,
En la kvartalo Utase: Marbordo-ĉefstrato, Utase-orientstrato, Utase-okcidentstrato, Utase-sudstrato, Utase-nordstrato, Valentinestrato, Utase-ĉerzstrato, Blankvelstrato, Plaĝpromenejo,
・la kvartalo Masago
Masago-Kamforarbo-strato, Marist-strato,
・la kvartalo Inagekaigan
Parko-Koĵimastrato, Plaĝpinventstrato, Plaĝparkstrato, Fulgilrememoravojo,
・la kvartalo Ĉibaminato
LinioKeijostrato, Zelkovstrato, Havenbordpromenejo ktp.
"Valentinestrato" en Utase nomiĝis honore de nomo de maneĝero, kiu venkigis profesian basbalan teamon Ĉiba-LotteMarines. Oni nomis la vojon nekutime elegante en Japanujo.