Kun hontemo, temas pri pisado lastatempa
Mi verkis sekvan hajkon.
長き夜のところどころを眠りけり
長き 夜 の ところ どころ を 眠り けり
Nagaki jo -no tokoro dokoro -ŭo nemuri-keri
longa nokto <dum de tempo al tempo je dorm -adis
Dum longa nokto, mi dormadis de tempo al tempo.
Maljuniĝinte, pisi certe oftiĝas al ni. Nombro de pisado multiĝis. Mi vekiĝas por pisi almenaŭ unu fojon, eĉ tri en iuj kazoj, dum nokto. La supra hajko naskiĝis en tia situacio. Mi iras al pisejo 10 fojojn dum unu tago. Multaĝulo pisas 8 fojojn tage averaĝe. Tio estas certa, ĉar flegisto konsentis tion, kiam mi restadis en K-hospitalo. Iuj havas stomakan horloĝon, do, iuj havus vezikan horloĝon. Se oni memoras la horon antaŭe pisis, oni povas agnoski sekvan horon pisi en sufiĉa precizeco.
Sed dumtage, mi ne ĉiam povas fidi ĉi tiun senton. Mia pisemo okazas nekoncerne al antaŭa tempo. Kiam mi intencas uzi akvon, mi subite sentas pisemon. Laborante en kuirejo, tuj post kiam mi aŭdis sonon de akvo el krano, mi volas iri al necesejo malgraŭ ke mi iris nur 30 minutojn antaŭe. Tio estas kondiĉa reflekso kontraŭ sono de akvo. Plue, unu fojon pisemo aperis, mi ne plu elteni ĝin.
La tempo necesa por pisado longiĝis ĉiujare. Kial tiel estas? Fasko de urina linio estas maldika kaj ne perfekta. Mi devas aldoni eksteran forton por elpuŝi restaĵon en veziko kaj uretro. Plej malbone, necesas 3 minutoj por pisi. Mi sciis pri Ig-Nobel-Premio en interreto. Unu el premiito studis, "Ĉiuj maturaj mamuloj bezonas pli-malpli 21 sekundojn por pisi". Estas mirinde mallonge.
Do, estas ĝene por mi pisi ĉe publika pisejo. Precipe pisi ĉe necesejo en fervoja stacio, kiam pasaĝero estas plenplena. Dum mi staras antaŭ pisujo, longa vico sekvas malantaŭ mi. Ĉiuj atendas sian vicon sed antaŭa maljunulo uzas la ujon por ĉiam. Mi komprenas la irititan koron de la junulo tro bone.
"Ho, aĝulo! Kiom longa tempo necesas por vi!" Mi preskaŭ aŭdas tian voĉon de malantaŭe, malgraŭ ke mi pene provas fini. Por eviti tia ĉagreno, lastatempe, mi uzas ĉambreton por "granda" eligaĵo, kiam homoj estas multaj. Tie, oni eltenas iom longa tempo kaj mi povas trankvile plenumi mian farendaĵon.
Alia problemo estas, ke urino ne ĵetiĝas antaŭen. Kiam mi estis en la unua klaso de altlernejo, mia matematika instruisto, kiu ŝatis uzi malpuran ŝercon, klarigis kvadratan funkcion per ekzemplo de pisa urino. Kia estas la trajektorio de pisa urino, kiu estis ŝprucigita je komenca rapido V horizontale? Bedaŭrinde, la komenca rapido estas preskaŭ nulo nun. Ĉar ĝi ne flugas antaŭen, mi devas apliki ekvacion por libera falo.
Okaze de kunsido de maljunuloj, ne mankas temo pri malebleco de urinado. Onidire segila palmo utilas por urinado. Mi uzas urina stimulilo nomata 'silodosin' laŭ la preskribo de kuracisto.
Urino estas montrilo de rena funkcio. Por longa vivteno la koro kaj renoj kunlaborante unu kun la alia. Mi devas esti dankeme al la renoj same kiel al la koro.