Pro senfareco.…
Sekurgvatado por geknaboj
Eĉ intertuŝeto de manikoj okazas kiel rezulto de antaŭa vivo.
Mi garde gvatas geknabojn, por ke ili ne renkontu akcidenton, jam 16 jarojn starante ĉe kruciĝejo flanke de fizikekzercejo de la urba bazlernejo Masago-higaŝi de Ĉiba. La unuaj lernantoj, kiujn mi renkontis, estas jam 25 jaraj por la 1-a gradanoj kaj 31 por la 6-a. Tio vere sentigas min, "Tempo flugas kvazaŭ sago.*1" Mi kontaktis la geknabojn nur unu momenton ĉiumatene, kaj interŝanĝis nur saluton, simile al "unu sola renkontiĝo en tuta vivo*2." Ni ripetis momentan renkontiĝojn kaj adiaŭojn. Kiom da geknaboj mi renkontis entute dum ĉi tiujn jaroj? Homoj fluas senĉese kvazaŭ akvo de rivero kaj iam ili foriras fininte la lernejon.
Kelkaj ricprokas matenan "Saluton," kelkaj ne. Tion vidante, mi pensis, ke jam ekde infanaĝo homoj vidigas sian vivmanieron kiel sian propran karakteron. Rideto kaj saluto estas la unua pordo, kiu kondukas homojn al sia vivo. Mi tiel kredas.
La kruciĝejo estas loko, kie 4-linia vojo, po 2 ambaŭ direkten, kaj 2-linia vojo kruciĝas. Ĉirkaŭ la 7a kaj duono, kiam geknaboj iras al lernejo, estas ankaŭ la tempo, kiam aŭtoj kaj bicikloj rapide kuras. Kvankam ili estas ne tre multaj, ni devas esti atentege.
Multaj rajdantoj de biciklo pasas la kruciĝejon. Kiam kelkaj el ili haltas atendante trafikan signalon ŝanĝi, mi interŝanĝas vortojn kun ili. Kaj mi alvokas ilin, "Bonan iradon. Estu zorgeme," ĉar estus vane penti pri akcidento de biciklo, post kiam tio okazus. Mi nur preĝas sekurecon de sagantaj biciklistoj.
Unu junulo afable salutas al mi ĉiumatene. "Ĉu altlernejo Kemigaŭa?" Li jesis responde al mia demando. Li salute preterpasas min ankaŭ kiam la trafika signalo ne haltigas lin. Lastan aŭtunon, li sciigis min kun rideto, "Ni vizitos Okinavon pro lerneja ekskurso ekde la venonta vendredo." Mi diris, "Ĝuu falsan pacon de nia lando." Mi pensas, ke ni havigas ŝarĝon de usona bazo nur al Okinavo. La junulo finos la altlernejon en venonta printempo.
La 16-an de januaro, li raportis al mi, "Mi eniras la universitaton Gakuŝuin kiel rekomendito de lernejo. Mi celas labori en eksterlando." Laŭdinde!
Estis unu junulo. Al mi ŝajnis, ke li estis unu el migrantaj laboristoj el Ĉinujo. Li parolis naturan japanlingvon kvazaŭ denaska parolanto. Li diris, ke lia hejmloko estas la provinco Hebejo, sude de Pekino. Lia familia nomo estas Yao, laŭ ideogramo, 姚, tio konsistas el virino plus antaŭsigno. Li diris, ke li laboras kiel poŝttransdonanto de la poŝtofico Masago.
Li ne deĵoris ĉe ĉirkaŭ la kvartalo Masago. Li salutis dirante, ke li revenos al sia hejmloko, provinco Hebejo, ĉar li trovis okupon tie. Nuna laborejo estas bona je salajro kaj medio, sed plej bona estas naskiĝloko. Sed post kiam, s-ro Yao revenis, mi sciis per novaĵo, ke grandega inundo atakis ĉirkaŭan regionon de lia hejmloko. Kiel estas li? Mi ne povas informiĝi. Mi nur deziras lian sekurecon. Mi sendas mian deziron pere de la kanto de emerita imperiestro Sutoku(1119-- 1164):
瀬を早み 岩にせかるる 滝川の われても末にあはむとぞ思ふ
瀬を 早み 岩 -に せかるる 滝川 -の
seŭo hajami iŭa -ni sekaruru takigaŭa-no
fluo rapidas roko de haltigita torento
われても 末 -に あはむ -とぞ 思ふ
ŭaretemo sue-ni ahamu-tozo omohu
dividite finfine renkontiĝu deziras
Torento de supra rivero estas momente haltigita de roko sed subite dividite en ambaŭflanke de la roko sed ili nepre renkontas sin baldaŭ. Ankaŭ ni estu tiel, karulino.
安寧馳世与(アンニョンハセヨ)
Saluton!
安 寧 馳 世 与 (アンニョンハセヨ)
an nei ha se jo (an-njon hasejo)
sekura kvieta kuregi mondon (Saluton! ĝentiligo)
Kuradu en la mondo sekure senĝene.
Rimarkoj de Tradukinto:
*1 Tempo flugas kvazaŭ sago.
En japana proverbo, ĉi tiu frazo havas suban formon:
"Lumo kaj ombro flugas kvazaŭ sago."
Nome, anstataŭ tempo, diurno flugas.
*2 unu sola renkontiĝo en tuta vivo
Origine la frazo estis "一期一会(iĉigo=dum la tuta vivo, iĉie = unu sola renkontiĝo)," kiun SENNO Rikju instruis kiel sintenon de te-ceremoniisto en la 16a jarcento. Ĉi tiu renkontiĝo povas esti sola ŝanco en la tuta vivo. Tial traktu ĉi tiun momenton kiel la plej valoran tempon.