Ho, jam pasis duonjarcento loĝante en la urbo Ĉiba!
La 5a de Rejva*1, mi fariĝos 73 jara kiam la naskiĝtago en aŭgusto venos. Mi naskiĝis en la valo (baseno) de Ina. Ĉar ankoraŭ nun mi ofte revenas hejmlokon, mi havas spiriton de la ŝinŝu-ano forte. Mi eĉ povas kanti perfekte la kanton de gubernio "la Lando de Ŝinano."
Mi eliris el hejmloko en Ŝinŝu kiam mi estis 18 jara. Estis la 44a de Ŝova*2, kiam mi finis altlernejon kaj celis eniri en Universitato. En tiu jaro, la universitato Tokio*3 kaj la Universitato de Tokio por Edukado (nun la universitato Cukuba*4) ne akceptis novan studenton pro kroma efiko de Studentaj movadoj*5. En la urbo abundis je junuloj pro generacio de "dankai"(grego) de post la milito*6, retrospektive, estis "epoko de kaoso*7." Mi sopiris maron kaj celis la universitaton ĉe marbordo sed malsukcese, nek alia ŝtata universitato. Tial mi fariĝis ronino*8.
Mi superen venis al Tokio*9 en malfrua marto akompanate de mia patro, kiu ne estis trankvila venigi min sola, kaj apenaŭ ankris en prepara lernejo*10 ĉe la ponto Suido*11. Sed ni ne povis trovi loĝlokon. Mi finis meti aliĝilon kaj aliajn necesaĵojn de la preparlernejo kaj konsiliĝis pri loĝejo. Tiam mi informiĝis, ke unu ĉambro de la internulejo*12 vakiĝis, kaj mi salte prenis ĝin. La kunloĝejo situis ĉe Makuhari*13.
Makuari estis tute fremda al mi. Kvankam mi vizitis la urbon Ĉiba por la Kanto-konkurado de Naĝado*14, mi aŭdis nenion pri Makuhari. Mi sentis iom ne kontenta pri tio, ke mi loĝas en Ĉiba sed mi trankviliĝis, ke mi fariĝis preta al nova vivo.
La kunloĝejo de Makuhari havis du du-etaĝajn lignajn konstruaĝojn. La loĝantoj estis, eble, ĉirkaŭ 80. "Unu ĉambro" estis nur 2 tatamlarĝa*15 spaco kun pendigita ŝranko. Malnovtipa necesejo estis komuna por loĝantoj. Banejo estis najbara pagbanejo*16. Ĉar kotizo estis apenaŭ po 10 mil enoj monate, mi ne povis plendi sed mi estis feliĉa pro la sufiĉa manĝo por ambaŭ mateno kaj vespero ĉiutage.
Ĉe la flanko de la vojo al la stacio Makuhari estis elfluejo. En la helaj tagoj, norioj*17 estis sekigitaj laŭ la vojo kaj sonoris "pari-pari," kiam ĝi sekiĝas.
La ŝoseo Ĉiba estis konstruata, kaj tuj trans la malnova ŝoseo Ĉiba etendiĝis la maro. Mi memoras, ke mi rigardis la maron sub lunlumo sidante sur la betona muro por protekti bordon. La malprofundaĵo daŭris ĝis fora enmaro. Dum viciĝintaj ferioj en majo*18, mi kolektis ruditapojn ĉe malflusa plaĝo kaj portis ilin al mia parenco en Tokio kaj petis kuiri ilin.
La sekvantan jaron, mi celis la Universitaton de Ĉiba kaj la duan periodan ŝtatan universitaton en najbara gubernio. Tial mi daŭre loĝis en Ĉiba. La loĝejo estis apartamentaro en kvartalo Niŝiĉiba(adoreso estis Macunami), de kie mi povis iri al la lernejo piede. Mia ĉambro estis 4,5 tatamojn larĝa*19 kun akvoprovizado kaj kuirejeto. La necesejo estis komuna uzo, kiu ne estis akvoŝpruciga tipo, kiam mi ekloĝis. La bano estis pagbanejo. Du banejoj estis najbare.
Feraj rubskatoloj staris de loko al loko sur la flanko de la ĉefŝoseo antaŭ mia apartamentaro. Tiutempe, oni forĵetis ĉiujn rubojn kune ne dividinte laŭ specoj.
Kiam mi paŝis ĉirkaŭ la loko 3, 4 jarojn antaŭe, diversaj karaj memoroj revenis en mia kapo pro tio, ke la strato konsistas el samaj faktoroj de siatempo kvamkam la formoj de la konstruaĵoj ŝanĝiĝis.
Mi loĝis dum 4 jaroj da universitataj tagoj, kaj transloĝiĝis al kvartalo Ŝinkemigava, kiam mi eklaboris. Ĉar mia laborejo situis laŭ la metroo Tozai*20, mi serĉis loĝejon ĉirkaŭ la parko Inokaŝira en la kvartalo Kiĉiĵoĵi*21 sed eventuale mi ne eliris el Ĉiba.
La apartamentaro en Ŝinkemigava estis 10minutojn paŝe for de la stacidomo kaj malproksime al pagbanejo, kien mi ne emis iri kiam pluvis.
Mi helpis transloĝiĝon de kamarado de la laborejo, kiu loĝis en publika loĝantaro en la kvartalo Takasu. Por iri al laborejo, estis pli konvene iri al stacio Makuhari veturante per aŭtobuso ol iri al stacio Inage de la fervojlinio Sobu.
Mi informiĝis, ke publika apartamentaro konstruiĝas ankaŭ en la kvartalo Masago, mi tuj registris min kiel loĝonton. Mi ne tiel ŝatis la loĝejon de ŜinKemigava, do mi estis ĝoja pro la nova loĝejo. Mi loĝis en Ŝinkemigava nur dum malpli ol unu jaro kaj iris al Masago.
Tie mi edziĝis kaj laŭ la multiĝo de familianoj, mi transloĝiĝis de 1DK al 2DK kaj 3DK*22. Kaj de publika loĝantaro al apartamentaro, mi ŝanĝis loĝejon. Dume, granda ŝanĝiĝo por vivmedio okazis pro tio, ke la fervojlinio Keijo komencis funkcii kaj oni jam ne bezonis iradi al sia laborejo tra la stacio Ŝinkemigava de la linio Sobu.
Mi emeritiĝis kaj ĝuas liberan tempon promenadi kaj trovi ne sciantajn ĉirkaŭaĵon en la urbo. Interalie, la sunsubiro de la marbordo de Kemigava kaj Inage mirigas min tra ĉiuj sezonoj. La vesperruĝo, kiu reflektas sur la maro, silueto de monto Fuĵi, spuro de aviadiloj, kiuj estas surteriĝonta sur la aerohaveno Haneda.....
Nun mi plene ĝuas la vivon najbare de la maro, kion mi sopiris en Ŝinŝu. Mi transloĝiĝis kelkfoje sed mi ne eliris el la urbo Ĉiba. Ne ĉiuj loĝejo estis la loko, kie mi povis piediri al la marbordo, mi sentas, ke eble la maro ankris min ĉi tie.
Retrospektante, mi loĝas en la urbo Ĉiba jam pli ol duonjarcento. Mi daŭre loĝos kun karaj du hejmlokoj: unu el ili estas ĉi tie, kie frontas al la golfo de Tokio kaj la alia estas la valo de Ina en Ŝinŝu, kie mi pasigis mian knabecon.
Rimarkoj de tradukinto
Reiva(ekde 2019-nun) estas japana eranomo, kiun imperiestro Naruhito kroniĝas.
Ekde la 25a de decembro, 1926 ĝis la 7a de januaro, 1989. Dum la periodo, la imperiestro Hirohito tronis.
Japana la unua ŝtata universitato. Multaj influpovaj homoj naskiĝis de tiu universitato. Ankoraŭ nun, la plej malfacila universitato, kiun homoj trapasi la enirekzamenon.
Ĝi ne plenumis enirekzamenon en la februaro de 1969 pro la konflikto inter studentoj kaj universitataj aŭtoritatoj.
Tokio universitato de Edukado fermiĝis 1978 kaj ĉiu funkcio transiris al la universitato Cukuba, kiu malfermiĝis en 1973 en la akademia urbo de Cukuba en gubernio Ibaraki.
Movado de universitataj studentoj ĉefe pri politikaj aferoj ĉiam ekzistis en japana universitata historio, sed ĉi tiu aŭtoro temas pri la movado en 1968 - 1970. Tiu movado implikis multajn nepolitikemajn studentojn. Ĝi naskis kelkajn "ka-ge-ha"(tro-atakema-sekto)-ojn okazigis ankaŭ krimojn.
Oni simple diras "la milito" indikante "la Dua Mondmilito."
La aŭtoro rememoras tiun epokon la epokon de kaoso, kiam li estis preparanta por la universitato. Certe li apartenas la generacio ĵus post la "Dan-kaj-sedai"(grego-maso-generacio), kiu naskiĝis en 1947-1949. Dum tiuj tri jaroj ĉ. 800 milionoj da beboj naskiĝis kaj tie, kie ajn la samaĝuloj kolektiĝas plenplena de homoj. La aŭtoro ĉiam vidis ilin en sia antaŭo. Kiam la aŭtoro ekzameniĝis, ankaŭ reekzameniĝantoj de la "dankai-sedai" amasiĝis.
"Ronin"-o signifas origine eks-samuraio, kiu perdis sian postenon en iu feŭdisma regno en Edo epoko.
Poste, oni uzas la vorton por esprimi preparanta stato dum eniri universitaton aŭ akiri oficon de iu kompanio aŭ simple esti ne studento nek laboranto.
Japanoj sentis la lokon, kie la imperiestro tronas, kiel la plej altan lokon. Tial antaŭ ol Meiĵi, oni iris supren al Kioto. Sed post Meiĵi epoko, la imperiestro tronas en Tokio. Tial oni diras, ke mi iras supren al Tokio.
Prepara lernejo estas prepara lernejo por eniri universitaton, por trapasi ekzamenon por publika oficisto, akiri diplomon de publika diplomo ktp. Ekzistas preparaj lernejoj por altlerenjo kaj eĉ por mezlernejo, sed oni nomas ilin "ĵuku"(helpa lernejo).
Ĝi estas la ponto trans la akvoproviza rivero Kanda en la urbo Tokio. La urbo Makuari, kie la aŭtoro transloĝiĝis estas en la apuda gubernio sed oni povas rekte veturi tien per la fervojlinio Sobu.
Tiutempe ŝajne kelkaj preparaj lernejoj prosperis kaj posedis eĉ internulejon. La nomon de la lernejo, la aŭtoro ne mencias.
Makuhari estas la kvartalo en la urbo Ĉiba. Ĉar la membroj de ĉi tiu eseo-klubo loĝas en tuj apudo la kvartalo, la nomo "Makuhari" ofte aperas.
La urbo Ĉiba decidis la kvartalon Makuhari kiel ĉefurbon Makuhari por allogi kompaniojn, ĝi fariĝis konvena loko por kemercado.
*14 la Kanto-konkurado de Naĝado
Kiel kromlernnada agado de lernejo, lernejanoj agas en diversaj kluboj. Multaj kluboj estas ankaŭ organizita kiel membro de tutlanda organizo. Kiam nacia konkurso okazas, ĉiu klubo devas venki unue je la urba konkurso sekvante la rekigona konkurso. La Kanto-konkurado estas unu el regiona konkurso.
Tatamo estas japana mato kun dimensio de 0,90 m x 1,80 m regule. Sed la dimensio iom diferencas de loko al loko. Ĝi estas sufiĉe larĝa por averaĝa Japano de la 20 jarcento. La 2 tatamlarĝa ĉambro estas tre malgranda por loĝi.
*16 pagbanejo = sento
"Sen-to"(pag-banejo) estas publika banejo. En Japanujo sento havas longan historion. Post ĉirkaŭ jaro 2000, sento rapide malmultiĝas.
Norio estas manĝaĵo de Ĉinujo, Japanujo kaj Koreujo. Oni faras ĝin el kelkspecaj marherboj. En Japanujo, oni prilaboras ĝin kvazaŭ konfitaĵo aŭ seka paperfolio, nome nori-folio.
Oni nomas ĝin ankaŭ "ora semajno." En tiu semajno, feriaj tagoj sinsekvas.
La 29a de aprilo estas naskiĝdato de eksimperiestro de Ŝova, kiu estas renomata "la tago de Ŝova."
La 3a de majo estas "la konstitucia tago," kiu jubileas ekvalidon de japana konstitucio en la 3a de majo en 1947.
La 5a de majo estas "la infana tago." En Japanujo delonge ekzistis jubilea tago por infanojn nomata "Tan-go-no-se-kku(komenco-ĉevalo-de-limo-sezono)."
Antaŭe, oni diris ĝin "paŝoŝtonaj ferioj," sed la 4a de majo ankaŭ fariĝis feria tago, kvankam tiu tago ne estas jubilea. Kun semajnaj feriaj tagoj, ĝi faras maksimume 10 sinsekvaj ferioj, se la kalendaro bone viciĝita.
Kvadrada ĉambro de laterlongoj 2.7m. Estas tre mallarĝe sed unu homo iel povas vivi.
La metroo, kiu ligas la stacio Niŝi-hunabaŝi en gubernio Ĉiba kaj la stacio Nakano en Tokio. Unu el tre konvena fervojo por loĝantoj de Ĉiba.
Unu kvartalo en la urbo Musaŝino en Tokio. Ĝi estas nomata, laŭ plaĉo de parolanto, Urbo de teatraĵo, muziko, komercado, studento, mangao ktp. Unu el populara urbo por ne nur junuloj sed ankaŭ eksunuloj.
1DK signifas 1 ĉambro plus "dining kitchen(manĝejo+kuirejo)." Multaj japanaj loĝantoj en la urbo komencas loĝi en 1DK kaj post geedziĝo 2DK kaj kiam ili havas idojn, ili serĉas 3DK aŭ se ili enspezas sufiĉe ekpensas aĉeti domon.