Kristnaska foiro
Kukkuri
Decembro komenciĝis kaj "Kristnaska foiro*1" okazas tie kaj tie, kaj urboj vigliĝis.
Lastjare, mi renkontis kristnaskan foiron de Roppongi-hills*2. Kiam mi estis preterpasonta Roppongi-hills-on pro negrava neceso, mi vidis du ĉarmajn budojn apud granda kristonaska arbo, kie oni vendis varojn por Kristonasko kaj germanajn kuiraĵojn. Sub brila lumo, bonaspektaj gejunuloj dense kolektiĝis en Roppongi-hills. Mi serĉis spicvinon (varman vinon) kaj ne seniluziige mi povis trovi ĝin ĉe vendeja budo.
Laŭ onidiro, ke kristonaska foiro okazas grandskale ankaŭ en la parko de Hibija*3, mi venis tien. Kiel sponsoroj de ĉi tiu evento, viciĝas la nomoj, Germana ambasado en Japanujo, Bavarujo, Turisma Oficejo de Germanujo kaj la ĉefurbo Tokio kaj la kvartalo Ĉijoda. Ĝi aspektis kvazaŭ Tokio-versio de origina Kristnaska foiro.
En la vespero de unu labortago de Decembro, kiam mi vizitis ĉefurbon, mi eniris en la parkon de la flanko de Kasumigaseki*4 kaj tuj mi vidis longan vicon. Mi progresis laŭ la vico kaj trovis, ke ĝi estas biletvendejo por tiu tago, kaj ŝajnis, ke la eventejo estas tiel plena, kiel la vico tute ne moviĝis. Iom for, alia enirejo estis, eble por la homoj, kiuj jam havas bileton, kiun ili enmanigis rete aŭ alimaniere. Malmultaj homoj eniras tie. Pro ĉi tiu situacio, mi ne intencis eniri, sed vidinte enen tra inter arboj, ankaŭ ekzistis longaj vicoj. Ĉar tie estis areo por manĝaĵo, ŝajne, oni viciĝas celante varman Frankfurtan korbason kaj/aŭ spicvinon... La bileto estis 1 000 enoj por labortago kaj 1 500 enoj por sabato kaj dimanĉo inkluzive de memortaso.
Mi sciis "Kristnaskan foiron" por la unua fojo antaŭ ĉirkaŭ 20 jaroj. Kiam mi skribis publikigan artikolon kiel mia okupo en ĵurnala kompanio, mi akiris afiŝon de Germana Turisma Oficejo kaj rilate al ĝi, mi decidis skribi artikolon pri ĉefe kristonaska foiro. Mi intervjuis la respondeculon de la oficejo kaj skribis la artikolon kaj publikigis ĝin, kvankam mi ankoraŭ ne spertis la foiron.
Post dekkelkaj jaroj, en decembro, 2016, mi partoprenis la turismon nomata "6 kristonaskaj foiroj en Germanujo kaj Aŭstrujo por 6 tagoj." En miaj 60-aj jaroj, mi ekvojaĝis eksterlanden kun mia edzino kaj ŝi proponis al mi tiun turismon. Niaj vojaĝoj estis tiel senĝenaj, ke ni aĉetis biletojn nur por aviadiloj kaj gastejoj ĉe vojaĝagentejo kaj ĉeloke ni diskutis, "Kien ni iru hodiaŭ?" laŭ la vetero kaj niaj fartoj. Sed temis pri la vojaĝo de la kristnaskaj foiroj, ni estis altirita de la ĉarma plano de la vojaĝagento, ke tagordoj estis lertaj por ĉirkaŭiri la 6 foirojn kaj la rilatumo por prezo-efikeco estis bona.
Ni planis renkonti du japanajn gvidantojn ĉeloke sed ĉar terorisma atenco okazis en la kristnaska foiro de Berlino tuj antaŭ nia ekvojaĝo, subite du turnekonduktoroj akompanis nin de Japanujo plue, ĉeloke, du japaninoj multigis ĉarmon de la vojaĝo per sprita, gaja kaj amuza gvidado.
Ni baziĝis en urbo Munkeno kaj vizitis urbojn Nurenbergo, Regensburgo kaj en Aŭstrujo, urbojn Salzburg kaj Oberndolf. La skaloj de la foiroj estis diversaj sed ĉiu estis longe heredita kaj karakterizita al la loko kaj mi povis senti la moron pri la kristnasko kaj la vojaĝo fariĝis profunda memorindaĵo al mi. En Nurenbergo pro la okazinta teroratenco, policanoj armitaj de mitraleto staris ĉe la enirejoj de placoj. La kristnaska foiro de Oberndolf en Aŭstrujo, kiu disiĝas de Germanujo trans unu rivero, estis simpla apud malgranda preĝejo, kie "Trankvila nokto" naskiĝis.
Ni vizitis Berlinon en vintro de 2018 kaj en somero de la sekva jaro, 2019, por vidi la urbon 30 jarojn poste de la Falo de la Berlina Muro. La unua vizito estis en decembro, ĝuste kristnaska sezono. Ni renkontis kristnaskajn foirojn kien ajn ni iris, tiu de la granda placo nomata Gendarmenmarkt profunde impresis nin. Ni manĝis en tenda restracio kaj varmigis nin per spicvino. Oni aplaŭdis la prezentadon kiel kantojn kaj paroladojn sur la scenejo. Ni estis sorbita de la prezentado de la triopo el viro kaj du virinoj, kiuj kantis sentplene kun riĉa voĉo. Ili aperis sur scenejo kun mantelo kaj skarpo pro malvarmo. Ili kantis konatajn kristonaskajn kantojn aŭ tiuj el muzikaj filmoj, alterne, foje duope aŭ triope kaj ĝojigis kaj geknabojn kaj plenkreskulojn. Ni iom post iom puŝitaj antaŭen kaj fine ni sidiĝis sur la tero kaj aŭskultis ĝis la fino.
Kristnaska foiro en Japanujo okazas ankaŭ en Yokohama-aka-renga-soko*5 kaj Oosaka*6 krom la parko de Hibija kaj Roppongi-hills. Kiel Haloveno radikiĝis en Japanujo, mi antaŭsentas, ke ankaŭ kristnaska foiro prosperos.
Kristnaska foiro estas kara rememoro al mi kaj la forpasinta edzino.
(Kukkuri)
komentoj de tradukinto
Evento, kiu okazas ĉirkaŭ kristonasko en placo de urbo de Germanujo kaj ĉirkaŭaj landoj. En japanujo oni nomas ilin per angla devena nomo "Krismas market."
La komercaj instalaĵoj en la konstruaĵo Mori, kiu situas la kvartalo Roppongi en Minato-ku, ĉefurbo Tokio.
Ĝi estas granda parko en Ĉijoda-ku, Tokio.
Unu el kvartaloj en Ĉijoda-ku, Tokio. Multaj el japanaj registaraj oficoj kolektiĝas. Tial la vorto estas ankaŭ uzata kvazaŭ pronomon de ministerioj aŭ ŝtataj oficistoj.
Kultura kaj komerca kvaltaro proksime al la haveno Jokohamo. Magazenoj el ruĝaj brikoj viciĝas, kiuj estis iamaja magazenoj por varoj dum ili trapasas doganon.
*6 Oosaka
Oosaka estas ĉefa urbo de okcidenta Japanujo.