Kiom da jaroj vi havas?
Sendepende de la okcidento kaj oriento de la oceano, ni devas zorgeme, kiam ni demandas aĝon al virinoj. Tiuj, kiuj laboras en trinkeja komerco, kutimiĝas al ĉi-specaj demando. Tial ili nebuligas demandantojn, redonante enigman respondon, ekzemple, "Mi estas unu," aŭ "Ŝajne naŭ." "Tiam dece kapjesu," tiel instruis min mia antaŭulo.
Sed okaze, naskiĝdato necesas. Oni nevolonte enskribos en oficialan dokumenton sed okaze de ne oficiala dokumento, la afero ofte komplikiĝas.
Unu fojon, ĉe la evento de iu organo, ni decidis asekuri la partoprenantojn kontraŭ akcidento. Ni bezonis skribi plenajn nomojn kaj aĝojn de ĉiuj. Tiam virinoj plendis, "Akcidento ne selektas aĝon," kaj forte rifuzis anonci sian aĝon. Embarasite, la sekretario de la evento petis konsilon de asekura kompanio. La respondo estis simple, "Xx-dek jaraj sufiĉas." Mi rekonis, ke virina obstineco povas ŝanĝi eĉ socian regulon.
Sed estas strange, ke virino draste ŝanĝiĝas post difinita aĝo. Kiel ekstrema okazo, iu virino fiere deklaris, nedemandite, "Mi havas jam xx jarojn!" Tiam, mi devas respondi, "Ne, ne, neniu kredas tian aferon! Vi estas tiom vigla," kun surprizita mieno, kvankam ŝi meritas ĝuste tiun aĝon aŭ eĉ pli. Ne nur Tora-san*1, kiu plendas, "Viro devas elteni!"
Kiam mia patrino estis ĉirkaŭ 95 jaraj, mia fratino akompanis ŝin al hejmdoktoro*2 por monata sankontrolo. Kiel kutime, la doktoro komencis de testo pri demenco.
"Avinjo, vi estas vigla. Kiom da jaroj vi havas?"
Mia patrino respondis ridetante,
"Divenu bonvole!"
La doktoro fiksrigardis ŝin ofendite.
Flegistino eltenis ridi sed la fratino diris, ke ŝia orlo de blanka mantelo, svingis ritme. Ankaŭ mi erupciis ridi kaj demandis al mia fratino,
"Kaj kion vi faris?"
"Kompreneble, mi ridegis laŭte. Tial mi sentas kulpa al la doktoro.... Frato, vi akompanu la patrinon por la sankontrolo venonta mateno."
"Ne atendita rizsitelo venis al mi."*3
Rimarkoj de tradukinto;
Populara heroo de serio da japanaj filmoj. La filmoj havas kutiman stilon, ke bonkora Tora-san preskaŭ akiras feliĉon sed ĉiam fiaskas kaj ekvojaĝas kun vundita koro.
Hejmdoktoro estas ĉiama konsilanto pri sia sano. Oni periode petas konsilon de difinita doktoro, eĉ kiam li/ŝi estas tute sana. Kiam malsaniĝis foje la kuracisto mem sanigas lin/ŝin aŭ foje la kuracisto skribas leteron de necesaj informoj kaj sendas sian klienton al falulo de tiu malsano. Ĉi tiu sistemo tre glate funkcias.
*3 Ne atendita rizsitelo venis al mi.
Rizsitelo esta ligna ujo, en kiu kuirita rizo estas metita. Kiam multaj homoj manĝas kune, kelkaj rizsiteloj estas metitaj ĉe la manĝejo. Kutime unua bovlo da rizo estis distribuita de tiu deĵoranto sed kiam oni volas manĝi plu, fojfoje oni iras mem al la rizsitelo kaj skue prenas rizon en mian bovlon. Kiam multaj homoj estas malsataj oni sinsekve iras al la rizsitelo por preni sian rizon kaj oni devas atendi ĝis sia vico venos.
Sed foje kiam oni jam estis cedonta, la vico venas bonfortune. Tian situacion, oni esprimas "rizsitelo venis al mi." En ĉi tiu artikolo, la aŭtoro ne deziris sian vicon, malgraŭ tio la vico venis.