Tondrego en la blua ĉielo?
En la lasta jaro (2022), kvankam lasta deko de septembro, estis ankoraŭ varmege pro restaĵo de somero.
Tiu tago estis unu el du tagoj de ĉiu monata ekzercado de ĥoro. Ni kantis kantojn "Baŝo-hu*1" "Brilas kvazaŭ floro de printemo*2" kaj aliaj kvar, kaj tiel pasigis ĝojan tempon. Ankaŭ tiun tagon, post la ekzercado, ni marŝis iomete rapide kun kamaradoj de la komunuma kunsidejo Masago. Survoje sufoka sento subite atakis min. Tian senton mi ne sentas kutime. Kelkaj amikoj malrapidigis sian paŝon agorde al mia rapido. Post iom malfrue ol antaŭa grupo, ni atingis al la restracio fronte al stacio Kemigaŭahama kaj mi trankviliĝis. 
Tiu okazaĵo estis la unua simptomo. Post duonjaro, en la majo de 2023, la sama simptomo refoje atakis min, kiam mi faris mastrumajn taskojn kiel purigi ĉambron kaj kuiradon.
En la marto de ĉi tiu jaro, mi vizitis la kardiologian fakon de hospitalon K*3 por la unua fojo portante la leteron de enkonduko de mia familia kuracisto. Antaŭ la konsilo de la respondeca kuracisto, mi respondis kelkajn demandojn de flegisto.
1. Ĉu vi fumas?
2. Ĉu vi drinkas alkoholaĵon?
3. Ĉu vi havas parencon, kiu spertis kormalsanon?
Ĉiu tri ne por mi.
Post longa atendado, miavice, mi renkontiĝis kun respondeca kuracisto. Mi denove ricevis esplorojn de elektra kardiogramo*4 kaj radiografio*5. La kuracisto post antaŭdiro, ke tio ne gravas, klarigis legante la rezulton, ke la funkcio de mia maldekstra fasko-branĉo-bloko*6, kiu estas parto de mia koro, iom malboniĝis. Ĉiu vorto de la kuracisto ŝarĝis mian koron per io peza. Li atentis min, ke mi ne portu ajnan pezaĵon. Mi rezervis en majo la teston por esplori la kialon kaj devenon de la malboniĝo.
Mi ne spertis la simptomon ekde tiam, ĉu danke al la priskribita medikamento aŭ ne, mi ne scias. Tamen, kormalsano... por mi! La diagnozo estis vere tondrego en la blua ĉielo*7 por mi. Sed atendu. Konsiderante mia aĝo, kio ajn eblus okazi. Afliktiĝo neniel utilas. Kvankam mi ricevis ŝokan malsanon, lastatempe, mi persvadas min, ke mi ne timu ĝin kaj paŝu kune kun ĝi per ne peza kaj malrapida vivo.
Rimarkoj de tradukinto
*1 Baŝo-hu
Ĝi estas tuko produkutata en Okinaŭa, Japanujo. Ĝi plektita de fadeno el fibro de "baŝo-arbo"(parenco de banano-arbo). Tiu tuko estas plena de truetoj kaj malpeza. Por la regiono varmega kaj humida kiel Okinaŭa, ĝi fariĝas tre agrabla vestaĵo.
*2 Brilas kvazaŭ floro de printemo
La kanto japanigita el irlanda kanto, "Believe me, if all those endearing young charms" verkita de Thomas Moore.
Kredeble, ĝi estas la hospitalo K, kiun ankaŭ mi antaŭ nelonge vizitis. Oni kutime vizitas familian kuraciston. La kuracisto prizorgas tutan aferon pri nia sano sed kiam grava malsano atakas nin aŭ dubas tian malsanon, li skribas leteron de enkonduko al profesia kuracisto pri la malsano.
Ĝi estas elektra aparato po registri kormovon. Ĝi estas instalita en multaj kuracejo kaj kontroli kormovon estas unu el baza afero de perioda sanesploro.
Radiografio estas X-radia foto. Antaŭe oni uzis tiel fortan radion kiel oni zorgis radian malsanon, se oni ricevas tiun foton kelkfoje ĉiujare. Nuntempe, ĉu la aparato evluis?
*6 maldekstra fasko-branĉo-bloko
Fasko-branĉo-bloko estas ambaŭ flanke de suba parto de koro. Kuracisto dubas, ke alia kormalsano povas esit kiam maldekstra fasko-branĉo-bloko ne bone funkcias.
La poeto Lu You (aktivis en 12 c.) de la dinastio Suda Song kuŝis en la lito pro malsano. Iun tagon, li subite ellitiĝis kaj skribis forte svingante sian plumon. Vidinte tion, oni surprizis kaj diris, "Tio estas kvazaŭ tondrego sonoris en tute blua ĉielo!"