Forlasita gubernia vojo
Mia hejmloko situas ĉe la montpiedo de Nasu. Norde kaj okcidente montoj viciĝas. Kiam mi proksimiĝas tien, vidante la pejzaĝon tra la fenestro de la vagono, mi kortuŝiĝas en ajna sezono. Sed mi nun ne havas kuraĝon vivi tie, ĉar estas tro malvarme por mi. Sed kiam mi estis studento, mi revenis hejmen de pli norda urbo, do eĉ vintro, mi sentis pli varme. En tiuj tagoj, oni parolis pri gubernia vojo, kiu tiam estis konstruata. Tiam oni atendis novan socion, kie veturas aŭton en ĉiu parto de la lando. Mi ne kredis tion sed jam dekoj da jaroj antaŭe, oni komencis prepari por tia socio. Jam preskaŭ ĉiuj vojoj estis pavimitaj. Sekvante, la gubernia registaro planis konstrui vojon por turismo. Unu el ili estis nomata "la ĉiela linio En-Na."
Tio ligas la vilaĝon Itamuro en la urbo Higaŝinasuno(nuna Nasuŝiobara) kaj la urbeto Ŝiobara tra la montpintoj inter ili. En tiu regiono, multaj montoj amasiĝas komplekse. Tial la itinero serpentumas, ne eĉ faldiĝas tien kaj reen, kaj la diferenco de alteco estas 1 100 metroj kaj la tuta longo estas 65 kilometroj. Se oni veturas tra ebenaĵo, tiuj estas nur 250 metroj kaj 25 kilometroj reciproke. Sed anstataŭe, oni povos ĝui grandiozajn panoramojn.
Pro kompleksa tereno, oni atendis multan malfacilaĵon je konstruado. Tamen tio komenciĝis nur 2 jarojn poste de la planado. La konstruado komenĉiĝis de tri punktoj. Du el ili estas kompreneble de enirejo Itamuro kaj Ŝiobara. La tria estis de la plej alta punkto. Por la lasta, memdefenda forto kunlaboris portante pezan maŝinaron per grandaj helikopteroj. Oni povis vidi la flugilojn pendantajn maŝinojn, de la loko proksima. Mi aŭdis, ke akcidento trafis unu el la soldatoj. La memora monumento staras ĉirkaŭ tiu loko.
La gvida vojo estis kompleta en 1971. Kaj la vojoj ambaŭflanke de enirejo ĝis la unua parkejo estis konstruitaj. Sed poste ekonomia stato malboniĝis kaj konstruado estis ĉesigita. Nun la gvida vojo estas fermita ĉe ambaŭ parkejoj kaj eĉ paŝantoj estas ne permesate eniri.
Tamen ŝajnas, ke oni sentas scivolema pri tia loko. La fotoj laŭ la gvida vojo estas abunde metita en retejoj. Iu raportanto diris, ke iu metis floron kaj sakeon ĉe memora monumento.