Pecigitaj frazoj
Miaj literoj, kiujn mi mane skribis, estis tiel vivantaj:
ili ŝanĝiĝis dum mi ne rimarkis; ili malebligis al mi mem legi miajn kajerojn, kiujn, en la lernejaj tagoj, mi pene skribis dum mi ricevis lecionojn, kaŭzinte ke mi ne povis uzi ilin por prepari ekzamenojn;
ili naskis tian zorgon en mi, ke mi ne povas vivi en eksterlandoj, kie oni postulas subskribon por pruvi sian identecon, kaŭzinte ke mi ne povas eltiri mian ŝparaĵon el banko, tamen tiu zorgo ne necesis, ĉar mi neniam loĝis en tia loko, bonfortune,
kaj miaj literoj estis tiel ĝenaj, kiam mi fariĝis instruisto kaj devis skribi demandojn por ekzamenoj, ĉari ili kaŭzis problemojn:
lernantoj legis mian demandon diversmaniere, ekzemple, por mia skribaĵo "10kg", unuj legis ĝuste 10kg, aliaj legis "16kg", tial mi devis prepari plurajn "ĝustajn" respondojn por unu demando; mi devis skribi plej atente sed malgraŭ tio kelkaj neatenditaj respondoj aperis; plue, unu el kamaradoj postulis al mi kaŭzinte plian malŝparon de tempo, ke mi faru "interesan demandon", ĉar dum ekzameno, la kontrolado estas enuigega,
sed mi estis finfine liberigita de manskribado:
tekstprilaborilo aperis de la kompanio Toŝiba, kaj kelkaj kompanioj sekvis; aplikaj komutilaj programoj pri tekstotraktado vendiĝis de kelkaj firmaoj;
miaj literoj, kiujn mi maŝine tajpis, jam ne ŝanĝiĝis: mi povas legi miajn dokumentojn eĉ post unu jaro; oni jam ne erare legas kontraŭ mia intenco, tial mi ne bezonas prepari plurajn respondojn por unu demando,
kaj maŝina skribado tiel influis al mia stilo de frazoj: antaŭe kiam mi skribis mane, tiam mi iomete longajn frazojn, kiel ĉi tiu frazo, ĉar mi ne volis reskribi de komence, kiam mi forgesis skribi nepre necesan aferon en la frazo, mi skribis ĉion, kion aperis en mia kapo; post kiam mi ekuzis maŝinon, mi unue tajpas ŝlosilvortojn kaj poste plenigas la enhavon; rezulte miaj frazoj tre mallongiĝis, kaj finfine mi fariĝis skribi pecigitajn frazojn kvazaŭ listo de aferoj.